DECORTICARE, Glossarium mediae et infimae latinitatis, Du Cange et al.

« Decorticare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 030b. http://ducange.enc.sorbonne.fr/DECORTICARE

DECORTICARE, Corticem auferre, nostris Escorcher. Gloss. Gr. Lat. : Ἀπολεπίζω, Decortico. Gl. Lat. Græc. : Decorticat, λεπίζει δένδρον. Hinc arbores Decorticare. Lex Salica tit. 28. § 10 :

Si quis miliarium, Eccard. Melarium aut pirarium Decorticaverit

. Charta Henrici Imp. ann. 1014. apud Ughellum in Episc. Novariensib. :

Castra dirupta, domus eversæ, vineæ incisæ, arbores Decorticatæ, etc.

Statuta Provinciæ :

Si quis arbores..... eradicaverit, vel insciderit vel Excorticaverit, etc.

Fori Beneharnenses, Rubr. de Boscages :

Qui Escorchera quasso, o tausin, etc. Les arbres Cerner,

in Stabilimentis S. Ludov. lib. 1. cap. 26.

Decorticare Caballum, in Lege Salica tit. 68. § 1 :

Si quis caballum alienum sine consensu possessoris Decorticaverit, etc.

Titulus habet, de caballo Excorticato. Sic etiam habetur vox Excorticare, eadem notione in Lege Ripuar. tit. 86. et in Edicto Rotharis Reg. Longob. tit. 105. § 15. 16. 340. 441. At Bignonius ad dictum tit. 68. Legis Salicæ monet in aliquot Codd. MSS. haberi Decotaverit, id est, caudam abstulerit, aut Curtaverit. Ita ut Decorticare perperam scriptum sit pro decurtare : nam et curtatos caballos dici supra observatum, quibus cauda decisa est.