« »
 
[]« Cornicare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 569b. http://ducange.enc.sorbonne.fr/CORNICARE
CORNICARE, Cornu inflare, cornare. Matth. Westmonast. ann. 870 :
Recessit venator .... et canes Cornicando ad se vocavit.
Will. Brito lib. 1. Philipp. pag. 90 :
Nec jam venantum voces, nec Cornua posset,
Latratusve audire canum.
Silvester Giraldus lib. 1. Itinerarii Cambriæ cap. 2. ubi de Cornu S. Patricii :
Cujus virtus ex fatua et inepta Bernardi Presbyteri Cornicatione, etc.
Cornicare, In aurem alicujus aliquid insusurare, quod faciunt qui surdis per corniculos ad aurem appositos sua insinuant. Marius Mercator libro Subnotationum ad Pientium Presbyter. :
Nec ea (quæstio) palam profertur, sed ab ipsis, qui de ea Cornicantur, velut Catholicis intra Ecclesias, interim retinetur.
S. Hieronymus Epist. 4 :
Alii sublatis in altum humeris, et intra se nescio quid Cornicantes, stupentibus in terram oculis tumentia verba trutinantur.
Joan. Monachus lib. 1. Vitæ Odonis Abbatis Cluniac. :
Cœperunt interea rabido latratu omnes Canonici Cornicari contra eum. Quid agere vis, inquiunt, etc.
Galli dicunt, Corner aux oreilles de quelqu'un. Persio Sat. 5. Cornicari, est vocem cornicis imitari :
Nescio quid tecum grave Cornicaris inepte.
Gozechinus Scholasticus in Epist. ad Discipulum :
Profecto non ut Cornicaris, dedi ei libellum repudii, non elogii notam, sed honoris coronam.
Corniculare, Eadem notione. Matth. Westm. ann. 940 :
In silva Corniculantium strepitus resonabat venatorum. Chasser à cor et à cry,
in Consuetudine Meldensi locali.
© École des chartes.