CORROGIUM, Servitium, quod subditi dominis suis cum equis, bobus aliisve animalibus ex lege vel consuetudine præstare tenentur, et ejusdem in pecunia vel annona redemptio. Charta ann. 1314. in Reg. 52. Chartoph. reg. ch. 34 :

Item pro Corrogio boum et saumeriorum,... pro parte dom. regis, xxxiij. solidos Turon. annui redditus.

Alia ann. 1318. in Reg. 56. ch. 511 :

In Corrogiis seu jornalibus bouum et saumariorum, xl. sol. x. den.

Alia ann. 1343. in Reg. 74. ch. 232 :

Item in Corrogiis sive jornalibus animalium, qui consueverunt cum bajula arrendari, extimatis valere in redditu xiv. lib. xij. sol. Turon.

Denique alia ann. 1361. in Reg. 103. ch. 78 :

Quilibet laborator cum bobus debet solvere sex punherias avenæ ; et quilibet laborans cum asinis, debet solvere unam punheriam avenæ ; quæ ascendunt dicta Corrogia in universo septem sextaria... Item est in dicto loco Corrogia animalium bouorum et equinorum, videlicet quod quilibet laborans cum bobus, debet solvere duo jornalia.

Vide supra Coroada et Corregeum.