« »
 
[]« 1 cossa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 592c. http://ducange.enc.sorbonne.fr/COSSA1
1. COSSA, Cosca,Cossia, Pensitationis species Provincialibus nostris nota. Coisse, ou droit de mesurage, exponitur in Histor. Monast. S. Barbaræ Lugdun. cap. 40. n. 4. Charta pro Communia de Balneolis ann. 1208. inter Schedas D. Lancelot :
De omnibus illis quæ ad mensuram venduntur vel emuntur datur de sextario una Cossa, quarum xxxii. complent eminam.
Charta Beatricis Comitissæ Provinciæ ann. 1245 :
Salvis..... lesdis, et Cossis, et pedagiis, et boagiis consuetis.
Sententia anni 1216. in parvo Chartulario S. Victoris Massil. fol. 157. v° :
Item homines Ecclesiæ immunes sunt a lesdis, Coscis, a talliis et quistis et exactionibus quibuscumque.
Charta Willelmi Comitis Folcalcarii ann. 1206. pro Manoscensibus, apud Columbum pag. 470 :
Nec teneantur solvere.... bladagium, sive albergam, nec contalagium, sive civatam, nec Cossias, sive medias Cossias de eorum bladis, et rebus quæ ad mensuram sestarii venduntur et mensurantur.
Donatio Reg. Ludovici Comitis Provinciæ ann. 1349. ex Schedis Præsidis de Mazaugues :
Cossias bladorum et partem quam percipit curia Regia in lesdis, focagiis castri, etc.
Statuta Avenion. lib. 1. rubr. 25. art. 1 :
Molendarius habere teneatur duas mensuras, vulgo vocatas Cossas signatas signo Curiæ.
Exiguam hanc mensuram Provinciales etiamnum appellant Cuesso : qua mensura cum uterentur in percipiendis pensitationibus frumentariis, hujuscemodi pensitationes Cossas vel Cossias vocavere. Vide Copanagium in Cupa 3.
Cocia, Eadem notione. Tabularium Eccles. Dignensis :
In Cociis bladorum, leguminum, nucum, etc.
Quo loco Gassendus, jus cociarum, mensuræ jus in divendendis frumentis, leguminibus, et nucibus interpretatur pag. 21. Notitiæ ejusd. Ecclesiæ. Vide Claudium Expillium orat. 15. pag. 169.
les Bénédictins de St. Maur, 1733–1736.
◊ Interdum accipitur pro mensura vinaria. Statuta Civitatis Avenion. :
Qui vendiderit vinum minutatim teneatur [] habere ad minus mediam Cociam, quartonem et pogefiale, quibus teneatur mensurare sine superverso.
P. Carpentier, 1766.
◊ Pro mensura olearia legitur in Consuet. Perpiniac. Mss. cap. 32 :
Item si quis vendiderit oleum cum mensura militiæ Templi in die Jovis, debet dare pro turnis unam Cossam, quorum duodecim faciunt medium cartonum, cum quo oleum mensuratur.
© École des chartes.