CRASTERIUS, an Operarius, Gall. Manœuvre, homme de journée, a voce Cras sic dictus, quasi qui diurno quæstu propulsat famem, nihilque servat in Crastinum, ut Galli dicimus, Qui vit au jour la journée ? Saisimentum Comitatus Tolosæ n. xxiii. inter Instrumenta probantia Annal. Tolos. tom. 1. pag. 16 :

Item de quolibet Crasterio unum jornale ad fodiendam vineam Domini, et aliud jornale ad faciendum ligna, salvo victu ipsorum ad festum Natalis Domini.

Laurentius in Amalthea :

Crasterium, Ligna quatuor sunt colligata ad pabulum jumentis ferendum.

Quid hinc elici queat ad expositionem vocis Crasterius non video.