CRIARIA, Officium eorum quos hodie Lutetiæ Parisiorum les Crieurs de corps et de vin dicunt. Charta Philippi Augusti Regis, in Regesto Herouvalliano :

Phil... Notum... quod nos mercatoribus nostris hansatis aquæ Parisius concedimus Criarias Parisius in perpetuum tenendas, in eo puncto quo Simon de Pissiaco eas tenebat, et in eo puncto in quo eas postmodum tenebamus, et terram dicti Simonis quæ erat in firma Criariarum Paris. Mercatores autem poterunt clamatores ponere et amovere pro voluntate sua, et mensuras ponere, etc. anno 1220.