CRISSARE, Cevere, Clunem movere. Papias MS. Codex Bituric. habet : Crevens, Crissans, Clunem agitans. Apud Juvenalem et Martialem, Cevere est canum more caudam clunesque movere ; et translate apud Persium est adulari, quia dum canes adulantur caudam et clunes movent. Remig. Autissiod. Commentar. in librum de Musica Martiani Capellæ MS. in Bibl. Reg. :

Hoc tamen in cordis non potest reperiri, nisi in humana voce quando Crissatur vox in ascendendo et descendendo :

id est, quando movetur vox et varie flectitur. Verbo Crissare etiam utitur Lucilius apud Nonium ;

Medullinæ frictus Crissantis

, apud Juvenalem.