CROCARDUS, Glossarium mediae et infimae latinitatis, Du Cange et al.

« Crocardus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 2, col. 623b. http://ducange.enc.sorbonne.fr/CROCARDUS

CROCARDUS, Reprobum nummi genus. Pembrigius anno 1300 :

Numisma Pollardorum prohibetur in Anglia et Hibernia.

Matthæus Westmonaster. ann. 1299 :

Hoc anno corrupta insula Angliæ de falsa moneta, quæ dicitur Crokard et Pollard, in Natali S. Stephani fundebatur, et pro obolo habebatur.

Adde eumdem ann. 1300. initio. H. Knyghton :

Rex Edwardus damnavit subito monetam subreptitiam et illegitimam, quam Pollardos, Crocardos, Rosarios nominabant, qui paulatim et latenter loco sterlingorum irrepserant. Et primo eos valere obolum fecit, deinde eos omnino exterminavit.

Thomas Walsinghamus in Edw. I. ann. 1300. pag. 77. 78. Cocodones vocat. Vide in hac voce. Pollardos vero valuisse medietate nummorum sterlingorum observat Jacob. Waræus.