CURARIA, Telonei species ex mercibus in nundinis distractis. Charta ann. 1227. apud Murator. tom. 6. Antiq. Ital. med. ævi col. 254 :

Petebat... episcopus a communi Mutinæ jurisdictionem et districtum in civitate Mutinæ, et per tria milliaria in circuitu civitatis ejusdem, in emancipationibus, tutelis, curationibus, duellis et Curariis mercatorum.

Stat. Perus. pag. 59 :

Si quis furatus fuerit pedagium, gabellam, bastagum, leydam vel Curariam in Perusia vel valle, solvat pro banno solidos sexaginta.

Et pag. 60 :

Gabella, leyda seu Curaria, etc.

Charta Frider. I. Imper. ann. 1184. ap. Pertz. Leg. tom. 2. pag. 181 :

Dominus imperator habebit theloneum pontis super Tanarum et pedagium civitatis et Curariam rerum venalium.

Vide Curadia et Curatura.