1. CURATERIUS, Sutor, Gall. Cordonnier. Charta pro Communia Balneoli ann. 1300 :

Ordinaverunt quod unusquisque sabaterius et Curaterius de Balneolo possit et debeat tenere unam bancam in mercato.... et si sabaterius esset Curaterius, vel Curaterius sabaterius existeret, in hoc casu sibi liceat tenere duas bancas in mercato, unam scilicet in loco ubi et alii Curaterii suas bancas tenent, et aliam in illo loco, ubi et sabbaterii tenerent bancas suas.

Alia ann. 1344. ex Schedis D. Lancelot :

Item statuerunt quod Curaterius sive semellator aut sabaterius sit ausus tenere in mercato villæ Balneolis banca, nisi, etc.

Concil. Biterrense ann. 1299. inter Anecd. Marten. tom. 4. col. 225 :

De Clericis qui carnifices, pelliparii, sutores, sotularium Curaterii seu aluderii, sive fabri communiter publici ac manifesti existunt, vel alia mechanica viliora communiter et publice exercere noscuntur, auctoritate præsentis Concilii innovamus,

quod in alio superiori Concilio vetitum est.