Cyclo Curare, Certo modo ac methodo curare, cum imperata dierum aliquot abstinentia, aut præscripto corporis exercitio, non primo saltu aut impetu proceditur, sed ordine servato per augendi ac minuendi status vices. Occurrit apud Vegetium lib. 2. de Re veterinaria cap. 5. 6. Cælium Aurelian. lib. 1. Tardarum Passion. cap. 1. Octav. Horatianum lib. 2. Rer. medic. cap. 15. etc. Hoc genus curationis, Græci Περιοδιὰν vocant. Περιοδεύειν, Cyclo curare, apud Pelagonium cap. 187. et 333. Interdum quolibet modo ac methodo curare, apud Eumelium cap. 535. 653. 654.

Cyclus Metasyncriticus, et Cyclus Resumptivus, voces Medicorum, de quibus idem Cælius Aurelian. libro 1. Chron. cap. 1.

Cyclus Paschalis, ad Lunæ ætatem investigandam et diem Paschatis inveniendum. Vide Isidorum lib. 6. cap. 17. Durandum lib. 8. Ration. cap. 13. Scaligerum lib. 2. de Emendat. temporum, Bucherium ad Canones Paschales in Præfat. Gassendum in Kalendario Rom. cap. 4. Mabillonium tom 3. Analect. pag. 514. et seqq. Diplom. pag. 176. 194. 581. supra vocem Annus. etc.

Cyclus Aureus, de quo Compotistæ passim, et sequentes Versus in MS. Thuano, quos hic apponam, ne pereant :

Prima dies Jani, quæ janua dicitur anni,

... Taurum tenet, ne posterus ordo vacillet.

Majori numero debetur tertius ordo,

Sicque minor sequitur, majori continuatur

Per duodena loca, non est hæc regula vera.

Undeno Februi numerum conjunge sequentem.

Sunt quoque sex menses, Julius prior, atque sequentes,

His, quamvis crescat, undenis summa propinquat.

Octavo minor numerus sequitur, nec continuatur,

Octavo succedentem conjungit, a in au.

October quintus prope debet habere sequentem,

Nonarum quartis duodeni denique mensis

Terdecimum numerum conjunctos atque secundum.

Linea sola tamen nemo sic esse recuset :

Tali quippe modo componitur Aureus ordo.

Cyclum, seu Κύϰλον Græci vocabant Indictionem : ἐπινέμησιν, vero ϰύϰλου, id est, partitionem circuli, annum Indictionis. Vide Henricum Valesium ad Evagrium lib. 3. cap. 33.