DAGASCALCI. Servi seu operarii diurni a Teutonico Dag vel Tag, dies, et Salc Saxon. Servus. Homines obnoxiæ quidem conditionis, sed ut Cereariorum libertati proximæ. Conf. Grimm. Antiq. Jur. German. pag. 302. num. 2. Charta Henrici IV. Imper. ann. 1065. pro Abb. S. Maximini Trevir. :

Præbendarii autem... vel qui foris ad curtes, Dagascalci vel piscatores, aut pistores dicuntur, nulli Advocato vel Hunoni subjaceant, sed tantum Abbati, sicut cereales, vel censuales pro quibuscumque rebus respondeant.

Alia Henrici III. Imp. ann. 1056. apud Zyllesium habet Dagescalci. Alia Henrici IV. Imper. ann. 1116. apud eumdem :

Præbendarii etiam sive mansionarii fratrum circa Monasterium infra milliare unum e vicino manentes, sive Dagescalci, aut Cerearii foris ubique per villas positi, nullius Advocati vel Hunnonis placitum... respiciant.