DAGEWARDUS, Glossarium mediae et infimae latinitatis, Du Cange et al.

« Dagewardus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 003a. http://ducange.enc.sorbonne.fr/DAGEWARDUS

DAGEWARDUS, Operarius, servus inferior Fiscalino, ut recte Schilterus. Burchardus Wormaciensis Episcopus in Lege Familiæ cap. 13 :

Si quis Fisgilinus homo exfamiliarem aliquam magnam vel parvam ad injustitiam patraverit, ad bannum Episcopi 5. solidos, ut Dagewardus, vadetur, et 5. solidos componat ei cui iniquitas facta est.

Infra cap. 16 :

Si Fisgilinus homo Dagewardam accepit, ut filii qui inde nascantur, secundum pejorem manum vivant : similiter si Dagewardus Fisgilinam mulierem accepit.

Rursum cap. 22 :

Si quis Fiscali viro justitiam suam infringere voluerit, id est, ad Dagewardum, vel ad censum injustum, Fiscalis vir cum septem proximis suis non mercede conductis justitiam sibi innatam obtineat, et si ex patris parte vituperetur, ex eadem parte duæ cognatorum suorum et tertia ex matre assumatur.

Vide Grimm. Antiq. Jur. Germ. pag. 319. num. 31.