1. DEBILIS Persona, Infimi ordinis. Decretio Childeberti Regis cap. 7 :

Si Francus fuerit, ad nostram præsentiam dirigatur ; et si Debilior persona fuerit, in loco pendatur.

Apud JC. Debiles personæ dicuntur, qui infirmitate, aut morbo aliquo perpetuo laborant, in leg. 2. C. de Curat. fur. (5, 70.) Personæ miserabiles, leg. 3. C. Quando Imp. inter pup. (3, 14.) Senes, apud Capitolinum in Gordianis. Gloss. Græco-Lat. : Debilis, ἐμπαθής, ἄχρηστος.