« »
 
[]« Debriatus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 017a. http://ducange.enc.sorbonne.fr/DEBRIATUS
DEBRIATUS, Inebriatus, ingurgitatus, et per metaphoram, repletus. Auctor Breviloqui : Debriare, inebriare. Gerbertus Epist. 31 :
Frontemque falsissimo poculo Debriatam expurgans.
Leo Ost. lib. 3. Chr. Casin. cap. 45. :
Milites diabolico furore Debriati pecuniam de Secretario abstractam ad Principem deferunt.
Ibidem :
Theodinus diabolico Debriatus veneno.
Alanus lib. 4. Anticlaudiani pag. 60 :
Flos violæ perfundit eum, rosa Debriat auras
Affines, narisque thymi satiatur odore.
Ita Codex MS. Utuntur præterea Regula Magistri cap. 27. Gordianus Monach. in Vita S. Placidi cap. 1. Galbertus in Vita Caroli Com. Fland. num. 47. Petrus Diac. lib. 4. Chron. Casin. cap. 57. 72. 75. 98. Baldricus Noviom. lib. 2. Chron. Camer. cap. 22. Vita S. Paterni cap. 13. Rodericus Toletan. Archiepisc. in Hist. Arabum cap. 6. Joan. Buschius in Chron. Windesem. lib. 2. cap. 28. 55. Brompton. pag. 1085. etc.
◊ Debriare, et Debriatus, interdum in bonam partem usurpantur. Lambertus Ardensis pag. 170 :
Spiritus sancti Debriatus et perfusus gratia.
Chronicon Fontanellense cap. 1 :
Barbaricas ac indomabiles eorum mentes nectare evangelicæ doctrinæ Debriabat.
Hincmarus in Ferculo Salomonis :
Agnus, fons vitæ, proprio non sanguine potans,
  Semper more suo Debriet atque regat.
Epitaph. Venerab. Bedæ :
Daque Sophiæ illum Debriari fonte, etc.
Adde Vitam S. Luciani Bellovac. n. 10. Baldricum lib. 2. Chronici Camerac. cap. 39. Ingelramnum Scholast. in Præfat. ad Vitam S. Richarii, Ordericum Vital. lib. 4. pag. 530. lib. 12. pag. 846. Vitam S. Paterni in Prologo. Vitam S. Leufredi cap. 5. Vitam Alcuini n. 10. etc. Ita D. Hilarius et Rufinus Presb. in Psalm. 64. Inebriari vocem in bonam partem usurpari annotant. Liudprand. Antapod. [] lib. 1. cap. 6 :
Adelbertus itaque proludii hujusmodi non solum gnarus, verum etiam Debriatus, etc.
Debriatio. Vita S. Isidori Episcopi Hispalensis in Prologo :
Ditior emines Debriatione divina, quam felicitate terrena.
Braulius Cæsaraugustan. in eodem S. Isidoro :
Tanta Debriatione scientiarum claruit præditus, ut, etc.
© École des chartes.