DECUBIÆ. Joan. de Janua : Decubiæ, vigiliæ, vel quod vulgo dicitur Paleæ mulieris, unde dicitur, Hæc jacet in Decubiis, et dicitur a Decumbo, vel a Decubo, quod est jacere in partu, vel in infirmitate. Ugutio MS. habet : Vigiliæ, quæ vulgo dicuntur Palæ mulieres : ubi forte palæ, idem valet quod pallidæ, cujusmodi esse solent illæ quæ vigiliis gravantur. Miracula S. Amalbergæ tom. 3. Julii pag. 107 :

Quod si convaluerit infans et annihilaretur illius carnis inflatio, veniret mater, quam cito surgeret a Decubiis, ut B. virgini Amalbergæ filium suum cum oblationibus immolaret.