1. DEFLORARE, Devirginare : Glossæ Puteani : Refloratio, Defloratio. Eædem : Delibatio, refloratio, illibatio. Ugutio : Cum virgo devirginatur, Defloratur, et flos virginitatis aufertur. Carmen MS. ex Codice Brenensi :

Virginitas flos est, et virginis aurea dos est.

Martianus Capella lib. 7 :

Aurora exoriens roseis spectabit ocellis

  Floris resecti præmia.

Leges Hoeli Boni Regis Walliæ sub ann. 940. cap. 13 :

Si viro datur puella ætatem habens, dicatque vir illam ab alio Defloratam percepisse, etc.

Adde cap. 25. Libertates Bellævillæ ann. 1233 :

Si quis puellam per vim Defloraverit, debet eam ducere uxorem, vel ad Consilium Burgensium maritare.

Concilium Arelatense ann. 1267. can. 12 :

Qui violenter virginem Defloraverunt, etc.

Fori Oscenses Jacobi I. Regis Arag. fol. 33 :

Si incontinenti post violentiam dixerit, se in silva aut in eremo ab aliquo defloratam, etc.

Magnum Chron. Belgic. ann. 1284 :

Prædictum Episcopum super Defloratione virginum, ac aliis factis enormibus clam accusaverunt. Defloratio mulierum,

in Consuetudinibus Tolosæ. Defloratores, in veteri Consuetud. Normanniæ cap. 10 :

Les Deflorateurs violentement des vierges.

Vide Statuta Odonis Episcopi Parisiensis cap. 6. § 4. Gellius, ut edit Aldus,

Futurum gaudii fructum spes tibi jam Deflorabit

. Livius in editione ejusd. Aldi et aliis :

Gloria victoriæ Deflorata

. Id est, flore seu honore spoliata ; sed in quibusdam editionibus habetur Præflorata ut et Præfloravit apud Gellium.