DEGERARE, Dejerare, Perjurare, promissis juramento firmatis non stare. Ordinat. ann. 1363. tom. 3. Ordinat. reg. Franc. pag. 622. art. 11 :

Et si reperiretur ipsos Degerare,.... debite puniantur.

Charta ann. 1368. ex Tabul. S. Victor. Massil. :

Raymundum hortati sumus ut ab ipsis excessibus omnino cessaret, quod solemniter se facturum sæpe juravit, et sæpius Degeravit veniendo contra jurata.

Alia ann. 1186. apud Spon. tom. 2. Hist. Genev. pag. 43 :

Et dum juramenti sui fideique constantiam expectaremus, Dejeravit.

Stat. Montis-reg. pag. 180 :

Statutum est quod quicumque inventus fuerit Dejerasse vel Dejerare, possit et debeat condemnari in libras sex, si de perjurio fuerit convictus.