DENA, Denna, Modus agri, aut terræ, vel potius silvæ portio, apud Anglos. Domesdei apud Spelmannum :

De silva 8. Denæ parvæ, et 3. magnæ.

Alibi :

De silva Regis habet Wad tantum, quod reddit 16. denar. per annum, et dimidiam Denam.

Rursum :

Et una parva Dena silvæ.

Ibidem :

Et 3. Dena de silva reddunt triginta porcos.

Will. Thorn. ann. 826 :

Dederunt Abbati terram 20. aratrórum,... et 13. Dennes glandes portantes.

Spelmannus et Somnerus, Denam, locum Silvestrem, asperum et incultum, porcisque pascendis accommodum denotare censent, a den, quod Saxonibus speluncam, caveam, ferarum latibulum, interdum et vallem sonat. Vide Edw. Cokum ad Littletonem sect. 1. pag. 4. 6. et Rectitudines Personarum ed. Leo, pag. 91.