DEPORTUS, Glossarium mediae et infimae latinitatis, Du Cange et al.

« Deportus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 070a. http://ducange.enc.sorbonne.fr/DEPORTUS

DEPORTUS, Jus caduci in Beneficiis Ecclesiasticis, quando vacant, quod ad Episcopum aut Archidiaconum spectat, seu Annata, et reditus primi anni Beneficii Ecclesiastici vacantis, de quo jure multa Chopinus lib. 1. de Sacra Polit. tit. 8. art. 16. lib. 3. tit. 3. art. 4. 5. 6. 7. Raguellus in voce Deport, et Innocentius Cironus in Paratitul. Decret. lib. 5. cap. 12. Vide nuperam Conciliorum Ecclesiæ Rotomagensis Collectionem pag. 323. et Hist. Eccl. Meld. tom. 2. pag. 228.

les Bénédictins de St. Maur, 1733–1736.

◊ In Chartulario S. Vandregesili tom. 1. fol. 341. habetur Instrumentum anni 1397. quo notum fit, Abbatem et Monachos ejusdem Monasterii consuevisse

Percipere, habere, colligere et levare in supradicta Ecclesia parrochiali (S. Vandregesili) omnes fructus, obventiones et emolumenta quæcumque obvenientia in eadem parrochiali Ecclesia per quadraginta dierum spatium commune sequentium, dum et quotiens ipsam Ecclesiam vacare contigit parrochialem, quovis modo vacaverit ; et hoc percipere consueverunt præfati Religiosi per modum Deportus, et mediantibus hiis ipsi Religiosi tenentur et sunt affecti in eadem parrochiali Ecclesia, pendente termino dictarum quadraginta dierum, facere deservire in divinis

. Idem jus habent iidem Monachi in parœcia de Rensecone, ut patet ex laudato Chartulario fol. 343.