DEROGATIO 1, Glossarium mediae et infimae latinitatis, Du Cange et al.

« 1 derogatio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 074b. http://ducange.enc.sorbonne.fr/DEROGATIO1

1. DEROGATIO, Contumelia. Facundus Hermianensis lib. 7. cap. 7. pag. 506 :

Et post modica Episcopo Edessæ Derogans, dicit : Hic nostræ civitatis tyrannus, etc.

Hesso Scholasticus :

Ut omne os adversariorum obstrueret, et vocem Derogationibus omnibus auferret.

Concilium Lemovicense ann. 1031. sess. 1 :

Exeat in medium, et libere dicat, ut aut doceat, aut doceatur, et Derogatio confundatur de fraternitate Ecclesiæ.

Idem Ordericus lib. 11 :

Ne aliqua sibi Derogationis occasio oriretur.

Et eodem lib. :

Ibique legalitatis et futuræ Derogationis immemor.

Adde pag. 834. Vita S. Waldetrudis n. 6 :

Hujusmodi irrisionibus ac Derogationibus fatigatus, etc.

Infra :

Derogationes, irrisiones, contumelias, etc.

Derogator, Detractor. Anastasius Bibl. in Præfat. ad VIII. Synod. :

Quod Patriarcha Ignatius Derogator esset ejusdem sanctæ memoriæ Methodii, et idcirco quasi parricida foret habendus, fama crebrescit.

Concilium Remense ann. 1049 :

Gebuinus Laudunensis Episcopus et Hugo de Braina Castello, qui inter ejus Derogatores quasi signiferi extiterunt, eodem anno ignominiosa morte vitam finierunt.

Adde Historiam mortis S. Leonis IX. PP. n. 1. Sidonius lib. 3. Epist. 13 :

Importunus petendi, Derogator negati, æmulator accepti.

Et Epist. seq. :

De cæteris studii nostri Derogatoribus, etc.

« 2 derogatio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 074c. http://ducange.enc.sorbonne.fr/DEROGATIO2

2. DEROGATIO, f. Pars a toto distracta. Charta Abbonis Patricii pro fundatione Monast. Novalicensis, ex Tabul. Ecclesiæ Gratianopol. fol. 51. 52 :

Et illud mihi in hunc testamento meum addere placuit, ut dum et domnos patruus meus Semforianus condam Episcopatum Wapecense in suam habuit gubernatione, et devotione sua, ut medietate Derogationes portionis ipsius in valle Segucia ad ipsa Ecclesia per sua esturmenta delegare voluit, etc.

Infra :

Ipsi cartam donationis de medietate locello nostro commune Derogationes in valle Sigusina ad jam dicta Ecclesia sanctæ Mariæ Wapencense quod scripserat, dum et lex hoc prohibit, et postea ipse de ipso onos Episcopato a malis hominibus ejectus fuit, et ipsa portio Derogationis ad ipsa Ecclesia Wapencense nunquam fuit tradita nec recepta, ideoque, etc.