« »
 
[]« 1 descensus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 077a. http://ducange.enc.sorbonne.fr/DESCENSUS1
1. DESCENSUS, Hospitationes, quomodo nostri etiamnum dicunt, Descentes. Concilium Budense ann. 1279. cap. 14 :
Cum suas diœceses vel parochias visitant, vel ex aliis causis ad Ecclesias ipsas declinant, gravibus et importabilibus fere Descensibus... aggravant et molestant, etc.
Charta ann. 1192. ex Tabulario S. Florentii :
Cum esset contentio inter Episcopum Redonensem et Abbatem et Monachos S. Florentii super Descensu et procuratione Episcopali in Ecclesia de Iseio... compositione facta statutum est, quod Prior et Capellanus de Iseio singulis annis pro Descensu et procuratione episcopali reddent x. solidos Andegavenses.
[]
P. Carpentier, 1766.
◊ Charta Phil. V. ann. 1318. in Reg. 56. Chartoph. reg. ch. 320 :
Domum nostram sive cohutam de Novoburgo, in qua placita nostra tenentur,... donamus : retento tamen in domo seu cohuta prædicta... Descensu vicecomitis nostri Pontis archæ.
les Bénédictins de St. Maur, 1733–1736.
Descensus Domini, Simili notione. Archivum Majoris Monasterii :
Ego Donoaldus Aletensis Episcopus dono Monachis S. Martini tertiam partem reddituum ad Ecclesiam S. Maclovii de Montlou pertinentium et fevum quoque Brientii quod reddit de mangerio xviii. denarios, et Descensum Domini, et maritagium, redemptionem etiam corporis, et emptionem terræ, et equitatam cum Domino suo : quæ Aldronius Bussellus dederat antequam Monachus esset.
© École des chartes.