DEVIRGINARE, Διαπαρθενεύειν, Devirginator, διαπαρθενευτής. Glossar. Lat. MS. Regium : Corrumpit, Devirginavit. Ita etiam Glossæ Isidori. Ugutio : Deflorare, florem auferre. Virgo Devirginatur, defloratur, flos virginitatis aufertur. Gloss. Lat. Græc. : Divirginat, διαπαρθενεύει. Gloss. Græc. Lat. : Διεφθαρμένη, Devirginata. Gloss. Isonis Magistri : Virginal, locus, in quo Devirginantur virgines. Glossæ Biblicæ MS : Tricæ dicuntur impedimenta pedum, quibus virginum pedes ligabantur, ne Devirginarentur in via. Dudo lib. 1. de Act. Norm. :

Omnis puellarum sexus ab ipsis Devirginatur.

Liber promissionis Maleficii cap. 28. inter Statuta Veneta :

Si quis virginem aliquam per vim Devirginaverit, etc.

Utuntur vetus interpres Juvenal. Stat. 9. v. 71. Paulus JC. leg. fin. D. Offic. Præsid. Petronius Arbiter, Hieron. de Monogam. Epist. 25. Cæsarius lib. 2. cap. 25. etc. Vide Catellum in Comitib. Tolosan. pag. 218.

Seram virginitatis aperire, et corrumpere

, in Constit. Sicul. lib. 1. tit. 21.