DIACONITES, Pauperes, qui in diaconiis alebantur. Vel Ministri diaconiæ, qui videlicet sub Diacono alimenta atque eleemosynas pauperibus distribuebant, ut opinatur Murator. tom. 3. Antiq. Ital. med. ævi col. 572. Diurnus Romanus cap. 7. tit. 17 :

Sed dispensator, qui pro tempore fuerit in eadem venerabili diaconia, pro remissione peccatorum nostrorum, omnes Diaconites et pauperes Christi, qui ibidem conveniunt, Kyrie eleison exclamare studeant.

Vide Diaconia.