DIAPRASIUM, Glossarium mediae et infimae latinitatis, Du Cange et al.

« Diaprasium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 100a. http://ducange.enc.sorbonne.fr/DIAPRASIUM

DIAPRASIUM, Διαπράσιον, Malagma aut electuarium, confectum prasio seu marrubio herba, vel certe ex ærugine, quam vocant nostri Verd de gris : nam et ita πράσιον interpretatur Myrepsus. Lanfrancus Cantuar. Archiepisc. in Epist. 46 :

Omitto tibi Diaprasium magnum, quod ad hanc infirmitatem valde utile esse Medici perhibent, de quo in modum silvestris nucis tertia semper die accipies.

Diaprasius, Viridis coloris vividioris. Historia Episcopor. Autis. cap. 44 :

Alterum pallium Diaprasii coloris.

Testamentum Riculfi Episc. Helen. 915 :

Casulas Episcopales optimas tres, unam Diaprasium, etc.

Leg. diaprasiam.

Diaprasinus, Eadem notione. Flodoard. lib. 3. Hist. Remens. cap. 21 :

Mittens ei quædam pretiosa ornamenta, casulam scilicet Diaprasinam, quam habebat unicam.