2. DIES, Prælium, seu dies prælii, Gallis Journée, Italis Giornata. Will. Brito lib. 10. Philippid. :

Vexillum regale Die portavit in illo.

Ita etiam usurparunt Latini Scriptores. Lucanus lib. 7. v. 92 :

Testor Roma tamen Magnum, quo cuncta perirent,

  Accepisse Diem.

Florus lib. 2. cap. 6 :

Non fuit major sub Imperio Romano Dies, quam ille cum duo omnium et antea et postea Ducum maximi, ille Italiæ, hic Hispaniæ victor, collatis cominus signis direxere aciem.

Et lib. 4. Cannensem Diem vocat, quod alii Cannense prælium. Vide Casaub. ad Sueton. August. cap. 23.