« »
 
[]« Diffacere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 111b. http://ducange.enc.sorbonne.fr/DIFFACERE
DIFFACERE, Destruere, Gall. Défaire ; Italis Disfare. Diffacere justitiam : Capitula ad Legem Salicam cap. 2. Capit. Caroli M. lib. 3. cap. 26. et Capit. Caroli C. tit. 31. Edict. Pistens. ann. 864. cap. 18 :
Juret, quod ipse eum ad justitiam cujuslibet Diffaciendam fugere non fecisset ;
id est fugiendam, vitandam. In Capit. Caroli C. legitur Disfaciendam. Eadem Capit. Caroli C. tit. 31. sub finem :
Expresse mandamus, ut quicunque istis temporibus castella et firmitates et haias sine nostro verbo fecerint, Kalendis Augusti tales firmitates Diffactas habeant.
Baluzius legit Disfactas. Charta Diffacta, Capitul. ad leg. Salic. cap. 7. Lex Longob. lib. 2. tit. 34. § 10. Carol. M. 107. et Leges Henrici I. Regis Angl. cap. 89 :
Si vero non compareat Charta, sed ab illo, qui inservire vult, Diffacta sit ;
id est, lacerata. Facti Diffactio, apud Ratherium Veronensem in Qualitatis conjectura pag. 216.
Hominem Diffacere, Judicio interveniente, reum membro aliquo mutilare, deformare. Deffaire quelqu'un, dicimus de reo, qui morte punitur. Lex Longob. lib. 1. tit. 25. § 68. Carol. M. 86. :
Nisi per justitiam et pacem faciendam hominem Diffecerit.
Statuta S. Ludovici lib. 1. cap. 82 :
Se li Clerc fet chose, dont il doie estre pendus et Deffés.
Diffactio, Mutilatio membrorum. Leges Henrici I. Regis Angl. cap. 64 :
In furto, et murdro... et eis, quæ ad Diffactionem pertinent.
Id est, criminibus, quæ capite aut membrorum mutilatione luuntur. Cap. 92 :
Qui murdrum (fecerit,) si capiatur, debet reddi Justitiæ Regis, et talis, de quo justitia fieri possit, vel videlicet occisus, vel Diffactus.
Rursum cap. 88 :
Nemo ipsius suum infantem reddere cogatur, quem voluntarie non occidit, nec emendatione pecuniali, nec Diffactione corporali.
Adde cap. 80. 82. 92. 93. Leges vernaculæ Willelmi Nothi cap. 35 :
Si feme est jugée à mort, û à Defaction des membres, etc.
Disfacere, Idem quod Diffacere, Destruere. Capitul. ann. 779. cap. 11 :
Qui per odium, aut per malum ingenium, nisi pro justitia facienda hominem Disfecerit, honorem perdat, etc.
Hincmarus Opusc. 34 :
Quod ille facit, alter Disfacit.
Tabularium Rothonense :
Post tempus voluit Catweten istam elocutionem Disfacere, et venit in lege coram Scavinis.
P. Carpentier, 1766.
Diffacere Olivas, Eas triturare. Stat. ann. 1356. inter Probat. tom. 2. Hist. Nem. pag. 177. col. 2 :
Item quod nulla persona... sit ausa olivas suas portare, nec Diffacere, vel fieri Diffacere ad aliquod molendinum, nisi ad molendinum dictæ civitatis.
Vide supra Deffactus.
© École des chartes.