DISCERNENTES, Lex Wisigothorum lib. 12. tit. 2. § 2. ubi disputationes de fide prohibentur :

Nullus antiquorum Patrum impugnationibus suis sacras definitiones irrumpat : nullus modernorum Discernentium congruentes fidei tractatus spernat.

Quo loco Dicernentes videntur dicti Sectarii, hacce appellatione donati hoc ævo in Hispania, atque ii forte, qui διαϰρινόμενοι dicuntur Theodoro Lectori lib. 1. Nicephoro Callisto lib. 6. cap. 29. lib. 18. cap. 45. Leontio Scholastico lib. 5. de sectis, et Codino in Origin. Constantinop. qui nempe contra Calchedonensem Synodum Eutychis ac Dioscori partes tuebantur, itaque sese appellabant, quod ab ea Synodo se segregatos innuere vellent, quomodo vocem hanc usurpat Socrates lib. 5. cap. 5.