DISTURBARE, Avertere, Gallis, certe Picardis, Détourber, quod puriores Franci dicunt Détourner. Fulbertus Canotensis Epist. 60 :

Tertio quod insidiatores ejus, quos Disturbare potuit, non Disturbavit ; sed et præsentia sua domum... eis receptandis dolose vacuam fecit.

Charta Ildefonsi Regis Aragonum ann. 1184. apud Guesnaium in Annalibus Massil :

Ut eant salvi et securi per totam meam terram, et nemo audeat eos gravare vel Disturbare, dum per meam terram transierint :

Charta Odonis Domini de Closis pro habitatoribus villæ de Boesses ann. 1239. apud Thomasserium in Biturigibus pag. 86 :

Homines ejusdem villæ, vel res ipsorum non Disturbabuntur, quamdiu velint et possint justitiam exhibere.

Libertates hominum S. Georgii de Esperanchia concessæ per Comitem Sabaudiæ ann. 1291. in Hist. Dalphin. pag. 27. col. 1 :

Si damnum nostrum et dictæ villæ ad ejus notitiam pervenerit, illud debet Disturbare pro posse suo, et Castellano.... intimare.

Instrum. Gallicum anni 1283. in Chartulario S. Vandregisili tom. 1. fol. 609 :

Ne pouront les devant dis Religieux ne leurs successeurs Destorbeir ne empechier que eus ne facent, ne peussent feire dudit pasnage.