DOMINÆDIUS, Domnædius, promiscue, οἰϰοδεσπότης, apud Palladium in Vita Chrysostomi pag. 202. et alios : Dominus ædis. Gloss. Lat. Gr. : Domnedius et Cœnacularius, σταθμοῦχος. Domnidius, habent Notæ Tyronis. Sic autem fere semper sanctum Felicem vocat Paulinus Nolanus Episcopus, quasi dominum ædis, cui ipse præsidebat. Epist. 1 :

Venientem in gremio jam communis patroni Dominædii mei Felicis excipiam.

Ita Epist. 9. 10. 12. et 28. et Natali 7. Sic etiam non semel Sugerius lib. de Consecrat. Eccles. S. Dionysii sanctos Martyres Dominos suos vocat. Porro vocem Domnædius, apud auctorem Rhetoricæ ad Herennium restituit Salmas. lib. de Jure Attico pag. 73. Vide Forcellinum.