DONEGARE, eadem notione, ut videtur, qua Dominicare. (Vide supra in hac voce). Possidere proprietario jure. Stat. Bonon. ann. 1250-67. tom. III. pag. 378 :

Si quis res alicui absenti pertinentes, quas ipse vel sui majores nomine dicti absentis tenuerit vel locaverit, dictas res in alium alienaverit, seu ei ad quem dicte res pertinent dictas res deneget, seu eorum possessionem restituere differat, volens eum privare dictarum rerum pertinentium in possessione seu proprietate, statuimus et ordinamus quod ex hoc ei, ad quem dicte res pertinent in possessione seu proprietate, prejuditium generet de jure vel de facto ; sed sit ad quem dicte res pertinent licitum sine pena dictas res apprehendere ac si in alium alienate non essent, seu non Donegarentur eidem, alienatione dictarum rerum in aliquo non valente.

Fr.