« »
 
DORMITORIUM 1, DORMITORIUM 2, DORMITORIUM 3, DORMITORIUM 4.
[]« 1 dormitorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 184a. http://ducange.enc.sorbonne.fr/DORMITORIUM1
1. DORMITORIUM, Genus vestis, quam induebant cum cubitum ibant. Gloss. S. Bened. cap. de Vestimentis : Dormitoria, ἐγϰοίμητρα. Gloss. Lat. Gr. : Dormitorium, ἐνϰοίμηθρον, seu, ut est in Gloss. Græco-Lat. ἐγϰοίμηθρον.
© École des chartes.
[]« 2 dormitorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 184a. http://ducange.enc.sorbonne.fr/DORMITORIUM2
2. DORMITORIUM, Plinio lib. 2. Epist. 17. et lib. 15. Epist. 6. et Sidonio lib. 2. Epist. 2. est Cubiculum. Marcellus Empir. cap. 23. Dormitorium cubiculum dixit.
© École des chartes.
[]« 3 dormitorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 184a. http://ducange.enc.sorbonne.fr/DORMITORIUM3
3. DORMITORIUM, Scriptoribus ævi medii sumitur pro Conclavi Monasteriorum et Collegiorum Canonicorum, in quo sunt plures lecti, vel plures cellæ, ubi decumbunt ; vulgo, Dortoir. Ælfricus : Dormitorium, slæp-ærn, id est, Domus somni. Ordericus Vital. lib. 12. pag 827 :
Dormitorium et Crontochium et reliqua Cænobitarum abdita, etc.
Capit. Ludov. Pii Addit. 1. cap. 68 :
Ut Dormitorium juxta oratorium constituatur.
Agunt de ejusmodi Dormitoriis Concilium Turon. ann. 813. cap. 24. Concilium Cabilonense 11. cap. 59. Regula Canonicor. ex Concil. Aquisgran. cap. 123. 136. Regula Sanctimonialium canonice vivent. cap. 10. Chrodogangus in Regula Canonic. cap. 13. Matth. Paris ann. 1251. Hugo Flaviniac. pag. 256. Concil. Coloniense ann. 1260. cap. 7. Vita Aldrici Episcopi Cenoman. num. 17. Caroli M. Capitulare primum ann. 813. cap. 4. ut illud edidere Sirmondus et Baluzius post caput 20. Ludovici Pii Capitul. Aquisgr. cap. 58. Capitular. Caroli Calvi tit. 7. § 14. 53. etc. Joach. Vadianus lib. 2. de Monast. Germ. :
Monachorum communiter viventium cellas fenestratas et patulas esse libuit, ut quoniam seorsim dormirent, habere vel somni, vel cubiculi inspectores et arbitros possent : inde hodieque veterum cubiculorum, quæ vulgo Dormitoria vocant cellulas perspicuas esse videmus.
◊ Monastica ejusmodi Dormitoria non semper distincta erant in cellulas : sed in eodem conclavi erant multi lecti, in cujus medio lectus erat Abbatis ; ut colligitur ex Regula S. Bened. cap. 22. Reg. Monialium S. Cæsarii Arelat. cap. 7. Aureliani cap. 8. Ferreoli cap. 16. Isidori cap. 13. ex Novellis Justin. apud Julian. cap. 15. 482. Liber Ordin. S. Victoris Paris. MS. cap. 37. et Udalric. lib. 3. Consuet. Cluniac. cap. 2 :
In medio Dormitorii est lectus ejus prope murum, sonitum ipse facit, quo Fratres diluculo ad surgendum excitantur.
Et certe id obtinuisse etiam in Ordine S. Benedicti, docent Statuta antiqua Corbeiensis Monasterii pag. 18. ut et in Ordine S. Augustini Statuta pro Fratribus et Sororibus Hospitalis S. Leonardi Eboracensis istius Ordinis, tom. 2. Monastici Anglic. pag. 370 :
Dormiant omnes fratres simul in uno Dormitorio, ita quod nullus frater habeat cameram separatam, nec curam alicujus cameræ, excepto Cellerario.
[] Vide Leon. Ost. lib. 2. cap. 34. et Nomasticon Cisterciense pag. 604.
P. Carpentier, 1766.
◊ Ubi dormitoria in cellulas distincta fuerunt, ita cellulæ dispositæ erant, ut in iis quid ageretur facile esset advertere ; quod in Galliis etiam nostris usitatum fuit ut discimus ex Articulis reformat. S. Elig. Noviom. ann. 1370 :
Item in Dormitorio habent cameras clausas... Quantum ad cameras clausas, abbas, quantum poterit, tolerabit ; dum tamen hostia camerarum, saltem pro tertia parte, de treleis existant, ita quod infra cameram videri possit, nulla cortina, seu alio obstaculo repugnante.
© École des chartes.
[]« 4 dormitorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 184b. http://ducange.enc.sorbonne.fr/DORMITORIUM4
4. DORMITORIUM. Dormitoria inter vehicula reponit Hieronymus in cap. 66. Isaïæ :
Equos et quadrigas, et rhedas et lecticas, sive basternas, et Dormitoria, mulosque et mulas, et carrucas, et diversi generis vehicula.
Passio S. Maximiliani :
Pompeiana matrona corpus ejus de judice meruit : et imposito in Dormitorio suo produxit ad Carthaginem.
© École des chartes.