DULCORARE, Dulcem reddere. Papias : Dulcoratum, dulcedine repletum. Ugutio : Condire, saporare, Dulcorare. S. Ambrosius de Institut. Virginum :

Fons Mara per lignum Dulcoratus.

Auxilius de causa Formosi :

Unde Antiquatum odium felle amaritudinis parvo stillicidio verborum Dulcorari non potest.

Alvarus in Vita S. Eulogii Presb. Mart. n. 11 :

Cœnobia... percurrens, multorum patrum est amicitia Dulcoratus.

Alanus de Insulis in Planctu naturæ :

Meaque ora pudicis osculis Dulcorando, mellifluo sermonis medicamine a stuporis morbo curavit infirmum.

Charta Eygili Abb. Flaviniac. ann. 864. inter Instrum. tom. 4. novæ Gall. Chr. col. 59 :

Si quis vero infidelis aliter felle amaritudinis Dulcoratus (i. e. infectus) atque zelo cruenti livoris inflatus, etc.