EBEREMURDRUM, vel Aberemurdrum, Murdrum manifestum, seu apertum murdrum : a Saxonico æbere, id est, probatum, vel manifestum ; et mord, murdrum, homicidium. Ejusmodi autem habebatur crimen istud, ut de eo componere non liceret, seu data pecunia ac emenda illud expiare ac redimere : et ut est in Legibus Canuti Regis cap. 60. apud Bromptonum, Eberemurder inemendabile erat. cap. 61. in Anglosaxon. distincte æbere morð. Leges Henrici I. cap. 12 :

Ex his placitis quædam emendantar centum solidis, quædam, wera, quædam wita, quædam non possunt emendari quæ sunt Husbreche, et Bernet, et Openthef, et Eberemorth, etc.