Effeminati, Masculi, qui virilia patiuntur, molles, seu qui in semetipsis feminas profitentur, inquit Salvianus. Alcuinus de Off. divinis :

Sunt Effeminati, qui vel barbas non habent, sive qui alterius fornicationem sustinent.

Utitur etiam Gregorius Mag. lib. 4. Ep. 14.

Effeminati in viros pudoris contaminatione fœdari

dicitur Roma in Collat. Legis Mos. tit. 5. Apud Esaiam cap. 3 :

Et Effeminati dominabuntur eis.

Ubi Aquila, auctore Hieronymo, ἐναλλάϰτας vertit,

qui se mutent, et turpitudinis exerceant vices

. Vide eumdem in cap. 4. Oseæ. Puerilia stupra, apud Ammianum lib. 23. Bacchus θηλυδρίου παιδος παιδαγωγός, dicitur Theodoreto de Græc. affect. serm. 7.