EISSALET, Essalet, Nomen venti apud Massilienses, idem, ut videtur, qui Italis Siroco, nostris Sud-est. Charta ann. 1291. ex Tabul. Massil. :

Item dom. Stephanus de Sancto Paulo patronus alterius galeæ consuluit, quod non est ad præsens tempus ad navigandum cum dictis galeis in Cataloniam, cum sit Essalet et sit ventus contrarius. Dominus Jacobus Masselesius patronus alterius galeæ consuluit, quod cum tempus sit à l'Eissalet, et plus foras, et sit ventus, quo non est tempus navigandi in hoc præsenti viagio Cataloniæ, etiam quanto durabit hic ventus..... Item Bartholomæus de Ibelna naucherius dixit, quod ventus est ad Eissalet, et non est tempus navigandi in hoc paregio.