EJECTIO, Verbum forense, alias Dissaisina in rebus immobilibus, ut tenementis et terris, cui opponitur Spolium, sive Spoliatio, quæ dicitur de rebus mobilibus, ut catallis, bobus, ovibus, pecunia. Ita Skenæus. Charta Austindi Burdegal. Archiepiscopi apud Marcam in Hist. Beneharn. lib. 4. cap. 7. n. 5 :

Terram a me emptam Ejicio, etc.

Ordericus Vitalis lib. 5. pag. 569. 570 :

Hære ditario jure possideo Normanniam, ipsamque de manu mea, dum advixero, non Ejiciam.