ELECTI 4, Glossarium mediae et infimae latinitatis, Du Cange et al.

« 4 electi » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 238b. http://ducange.enc.sorbonne.fr/ELECTI4

4. ELECTI, ut est in Ceremoniali Romano lib. 1. sect. 10. appellantur

Promoti ad Ecclesias, sive Monasteria ante suam consecrationem, sive benedictionem, quam infra tres menses sumere debent

. Neque enim appellantur Episcopi sive Abbates,

et quamvis utantur Episcopali sive Abbatiali habitu, non tamen possunt uti paramentis et mitris sine speciali indulto Pontificis, etc

. Vide Willelmum Neubrigensem lib. 2. cap. 22. Archielecti dicuntur Archiepiscopi electi. Vide in hac voce.

P. Carpentier, 1766.

◊ Sive papali sive episcopali dignitate donandi. Bulla plumbea imaginibus SS. Petri et Pauli insignita Electos in Romanos Pontifices et necdum consecratos, literas suas obsignasse jam observatum est supra in voce Bulla. Dipl. Clement. VII. ann. 1378.

Clemens Electus episcopus, servus servorum Dei.... Datum Fundis sub bulla capitibus apostolorum Petri et Pauli consignata, qua utuntur ad apostolatus apicem assumpti ante sui coronationem, viij. Kal. Oct. assumptionis nostræ anno 1.

Electis in episcopos jus ecclesiarum suarum bona administrandi competebat, ut discimus ex Charta Gaufr. Meld. episc. ann. 1209. in Chartul. Barbell. pag. 880 :

Noveritis quod dum potestatem Electi haberemus ante consecrationem nostram, decimas novalium totius parrochiæ de Nigella... Stephano clerico de Praëriis, quamdiu ipse vixerit, salvo jure cujuscumque ecclesiæ,... concessimus possidendas.