1. ELEEMOSYNARE, Dare in Eleemosynam Ecclesiæ, Monasterio vel pauperi. Tabular. S. Vandreg. tom. 1. pag. 11 :

Vel quibuscumque eas vendere aut donare seu Eleemosynare voluerit.

Charta ann. 1205. apud D. Brussel de Usu feudorum tom. 2. pag. xxv :

Nunquam vidimus... quod aliquis redderet decimas de fenis, vel de genestis aut de boscis, nisi prius fuerint Eleemosynatæ.

Apud Rymerum tom. 10. pag. 243 :

Super centum solidis annui redditus, monetæ currentis, quos idem Willielmus illis Eleemosynaverat.

Charta ann. 1214. ex Chartar. S. Vincentii Cenoman. :

Herbertus Dominus de Guerchia coram nobis constitutus Eleemosynavit Abbatiæ S. Vincentii totam decimam suam de Montguson.

Charta Matildis Filiæ Roberti Bethuniæ Domini ann. 1216. ex Tabular. S. Bartholomæi Bethun. fol. 32 :

Quintum bostellum molnariæ in molendino de Coisiaus Eleemosynavi.

Charta Humberti de Bello-joco et Isabellis de Mello ex Tabular. Capituli Autiss. :

Pro quietatione et admortizatione sexdecim libratarum terre moventium de feodo nostro... quas idem Episcopus (Guido de Mello) Eleemosynaverat perpetuo Decano et Capitulo Autiss.

Ex Chartulario S. Martini Pontisar. :

Johannes de Brecuria Abbas S. Martini juxta Pontisaram Elemosinavit xl. sol. pro faciendo Anniversarium suum.