ENTELMA, Entilma, Præceptum, mandatum, a Græco ἐντέλλομαι, Mando, ἔνταλμα apud Georg. Acropolit. cap. 68. Glossæ Nomicæ MSS. Reg. Cod. 396 : Μανδάτον, ἔντελμα. Leo Ost. lib. 1. cap. 51 :

Hic Symbaticus cum esset Imperialis Protospatarius... Entilma fecit prædicto Abbati de Monasterio S. Sophiæ, etc.

Regestum Petri Diaconi apud Angelum a Nuce :

Ego Symbatico Entilma facio tibi Regem Prando.

Et infra :

Videntes et cognoscentes nostram Entilmam.

In altero Præcepto ibidem :

Entelma facta a Joamatio Imperiali Protospathario et stratigo Langobardiæ, etc.

Perperam Entolina habetur apud Luithprandum, pro Entelma. Vide Ughellum tom. 8. pag. 68. et Notas ad Cinnamum pag. 475.