EPISTOLARIUM, Glossarium mediae et infimae latinitatis, Du Cange et al.

« Epistolarium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 280c. http://ducange.enc.sorbonne.fr/EPISTOLARIUM

EPISTOLARIUM, Liber Epistolarum S. Pauli et aliorum, qui legitur in sacris Liturgiis. Leo Ost. lib. 3. cap. 19. (al. 20.) :

Librum quoque Epistolarum ad Missam describi faciens.

Infra :

Similiter fecit et de Sacramentariis... et duobus nihilominus Evangeliis et Epistolario uno. Nam usque ad illud tempus in Plenario Missali tam Evangelia quam Epistolæ legebantur : quod quam esset tunc inhonestum, modo satis advertitur.

Adde cap. ult. ejusdem libri, et lib. 4. cap. 90. al. 92. et Vita Abbat. S. Albani, necnon Bernardi Monachi Ordinem Cluniac. part. 1. cap. 14.

Epistolare, Eadem notione in Usib. antiq. Ord. Cisterciensis cap. 54. et in Hist. Mediani Monasterii pag. 242.

P. Carpentier, 1766.

◊ Glossar. Gall. Lat. ex Cod. reg. 7684 : Epistolare, Epistolarium, liber epistolarum, Epistolier. Inventar. S. Capellæ Paris. :

Un Evangelier et un Epistolier de grans volumes.