EQUARITIA, Equorum grex, Equaria Varroni lib. 2. de Re rust. Equile, Equitium, Tacito, et aliis. Joannes de Janua : Equaritia, est armentum equorum, vel vaccarum. Perperam ibi Equiritia. Descriptio Monasterii S. Galli apud Canisium tom. 5. Antiq. lect. pag. 781 :

Domus Equaritiæ :

Hic fœtas servabis equas, tenerosque caballos.

Cæsarius Heisterbach. lib. 7. cap. 39 :

Venientibus eis in quemdam saltum, poledrus Equaritiam, id est, gregem equarum de longe pascere conspexit.

Lib. 11. cap. 17 :

Habebat Conventus dextrarium pulcherrimum, quem Equaritiæ suæ propter fœtum nobilem deputaverat.

Tradit. Sangall. ann. 849. in Neugart. Cod. Diplom. Alem. num. 324 :

Dimidietatem Equaritiæ meæ et totam vaccaritiam meam.

Adde chart. Henric. I. Imperat. ann. 929. ap. Erath. Cod. Diplom. Quedlinb. n. 6. pag. 6.