EVINDITALE Judicium, vel forte Evindicale, datum videtur contra eum qui re cujuspiam ablata, in jus vocatus, ad placitum, nulla missa vel nuntiata sunnia, seu excusatione, venire distulit : tunc enim is cui res ablata erat, eam judicio secundum loci legem lato Evindicabat, seu evincebat. Exstat illius formula apud Marculfum lib. 1. form. 37. Judicium Evindicatum, in Formulis MSS. Cod. Reg. 1197.