EXOCATACŒLI, Ἐξοϰατάϰοιλοι, Præcipui Patriarchæ Constantinop. Officiales et Consiliarii, qui in publicis cœtibus Episcopos præcedebant. Sex enumerat Hofmannus post Macros fratres in Hierolexico, magnum Oeconomum, magnum Sacellarium, magnum Scenophylacem, magnum Chartophylacem, Præpositum parvo sacello et Protecdicum. Memorantur in actis Conc. Florent. De vocis etymo multi multa dixerunt. Potior mihi videtur opinio Roberti Creyghton in notis ad historiam ejusd. Concilii, ubi primitivum, inquit, nomen ab initio fuit ἐξιοϰαταϰέλλιοι, cujus terminatio jam corrupta est in ϰοίλοι vel ϰήλοι a barbaris, et vulgo Græcorum ἐξίο, quod extra thronum Patriarchæ sederent, sed omnino primi et proximi : et ϰαταϰέλλιοι, Residentiarios significat a ϰέλλη et ϰελλίον, sedes, domuncula. Asserit idem Scriptor ibidem Exocatacœlos quinarium numerum nunquam superasse. Hunc, si cupis, consule. Vide Glossar. med. Græcit. in hac voce, col. 409. sqq. et Append. col. 71.