EXPALLUM, Exspaltum. Charta Gaufredi Ducis Aquitaniæ ann. 1076. apud Beslium pag. 475 :

Cuncta etiam quæ egomet ad præsens dono, scilicet quantum ex meis silvis necesse fuerit, tam Ecclesiæ, quam officinis, excepto Exspalto, vel ea quæ alii fideles de casamentis ad me pertinentibus dedere, etc.

Alia Willelmi Ducis Aquitanorum ex Tabulario S. Cypriani Pictavensis :

Dono et concedo.... omnes consuetudines meas quæ erant in obedientia nomine Exoletia, videlicet præposituram et bannum, et ucham, et Expallum, et bannum et friscingam, et pullos, et anseres, et annonam, etc.

Gallis alias Espaulx erat mensuræ genus. Informatio obsidionis Constantinopolis ann. 1453. inter Anecd. Marten. tom. 1. col. 1820 :

Oudit siege s'y avoit plusieurs bombardes et autres instrumens pour abattre le mur, et entre les autres une grande Bombarde de metail, tirant pierre de neuf Espaulx et quatre dois d'entour.

Vide supra Espaltum.