EXPECTORARE, Exsolvere, firmaculum a pectore removere. Ugutio et Jo. de Janua. Festus habet : Expectorat, Ex pectore ejicit. Ennius apud Ciceronem Tuscul. 4. 8 :

Tum pavor sapientiam mihi omnem ex animo Expectorat.

Verbum illud, ut antiquum nimis repudiat Fabius 8. 3. Non semel utitur Accius apud Nonium, idemque est quod e pectore educere. Hac quoque notione accipitur in Actis SS. Maii tom. 7. pag. 275. ubi de S. Hucberto. Gerardus Silvæ-majoris Abbas in Vita S. Adelardi n. 21 :

Tandem vir Dei inter eos medius caduceator deambulat, et utrisque consultum pacis Expectorat,

id est, suadet, ex pectore, ex animo. Expectoratus affectus, Amor e pectore ejectus, in Concilio Ilerdensi inter Hispana tom. 2. pag. 284.