« »
 
EXPEDITIO 1, EXPEDITIO 2, EXPEDITIO 3, EXPEDITIO 4, EXPEDITIO 5.
[]« 1 expeditio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 370b. http://ducange.enc.sorbonne.fr/EXPEDITIO1
1. EXPEDITIO, Glossar. Lat. Gr. : Expeditio, ἔξοδος ἐϰδημητιϰὴ στρατιωτῶν. Sed sequioribus sæculis hæc vox usurpatur pro obligatione eundi in exercitum domini. Charta ann. 1124. apud Hemereum in Augusta Viromand. pag. 96 :
Si extra provinciam exercitum duxerit, homines villæ juxta antiquam consuetudinem Expeditionem ei tantum faciant.
Chronicon Montis-Sereni ann. 1171 :
Ut Imperatori Saxoniam advenienti 20. talenta de ipsa Ecclesia redderentur, insuper etiam regalis Expeditio ei administraretur.
Historia Episcop. Bremens. ann. 1142 :
Concessit etiam omnes colonos Ecclesiæ ab omni censu, Expeditione, villæ, vel urbis munimine, et petitione precaria liberos et immunes.
Expeditio hostilis, in Lege Longob. lib. 1. tit. 4. § 17. Charta Caroli Crassi Imp. pro Ecclesia S. Salvatoris Francofordiensi :
Et ab illo Abbate, cui prædicta capella commissa fuerit, nulla unquam hostilis Expeditio exigatur, nec ullus ei inde quicquid auferre præsumat.
Tabularium Campaniæ Bibl. Reg. fol. 363 :
Homines villæ ibunt in Expeditionem et exercitum.
Tabular. Eccles. Parisiensis :
Condonamus illis, ne ulterius in hostes nostros vel Expeditiones ire non compellantur.
Expeditio exercitalis, in 3. Capitul. Ludovici Pii cap. 7. Charta Ludovici VIII. ann. 1223. apud Hemereum in Aug. Viromand. :
Cum nos ex spirituali dominio Expeditionem et servitium pro Expeditione ad submonitionem nostram haberemus super villam, et super omnes homines ut hospites villæ Humolariensis, etc.
Vide Burchardum de Casib. S. Galli cap. 12. et infra in verbis Hostis, Cavalcata, Equitatus. []
© École des chartes.
[]« 2 expeditio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 370c. http://ducange.enc.sorbonne.fr/EXPEDITIO2
2. EXPEDITIO, Renuntiatio. Vide Expedire 1.
© École des chartes.
[]« 3 expeditio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 370c. http://ducange.enc.sorbonne.fr/EXPEDITIO3
3. EXPEDITIO, Agendi celeritas, diligentia, Gall. Expedition. Litteræ Johannis Franc. Reg. ann. 1360. apud D. Secousse tom. 3. Ordinat. pag. 446 :
Attamen quia ipsi mercatores et vectuarii tam in eorum Expeditione quam aliter, per nonnullos venditores suorum piscium et alios in dicto ministerio deputatos Parisius, qui ad hoc fore dicuntur minus apti, ydonei et insufficientes, super hoc sepius impediuntur, etc.
Aliæ ejusdem anni Litteræ ibid. pag. 449 :
In augmentatione hujusmodi numeri (venditorum minutatim piscium), solliciones (solutiones) et Expeditiones dictis vectuariis faciende, facilius et celerius fient, et sic dicti mercatores et vectuarii sepius Parisius accederent et abinde recederent.
Iis in locis agitur de expedita ac diligenti solutione.
© École des chartes.
[]« 4 expeditio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 370c. http://ducange.enc.sorbonne.fr/EXPEDITIO4
4. EXPEDITIO, Distributio. Faciendo Expeditionem dictarum tunicarum (Monachis) in Litteris anni 1362. ex Regesto 92. Chartophylacii Reg. Ch. 155.
© École des chartes.
[]« 5 expeditio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 370c. http://ducange.enc.sorbonne.fr/EXPEDITIO5
5. EXPEDITIO, Solutio, pecuniæ, rei alicujus commodo applicandæ, numeratio, traditio. Lit. ann. 1367. tom. 5. Ordinat. reg. Franc. pag. 65 :
Ita quod prædictam florenorum summam, pro prædictis castris concessam, in Expeditione reali dictorum castrorum et in defensione patriæ, et non in alios usus, solvere teneantur ; nec alias solutiones vel Expeditiones monetæ levandæ... facere possint, nisi de consilio eligendorum a subditis, cum auctoritate nostri gubernatoris.
les Bénédictins de St. Maur, 1733–1736.
Expeditio Causarum, Promulgatio decursus causarum ex judicis ordine, Gall. Promulgation des rôles. Litteræ Johannis Franc. Regis ann. 1363. apud D. Secousse tom. 3. Ordinat. Reg. pag. 652 :
Precipimus et per Curiam nostram precipi volumus et injungi omnibus actoribus, quod ex quo publicatum fuerit Expeditionem causarum alicujus Propositure, Baillivie, etc.
© École des chartes.