EXTELARIUS Cervus, domesticus, mansuefactus, quem venatores præmittunt in silvam, quo cervi alii et hinnuli nihil metuentes periculi, illius facti socii, facilius in eorum casses aut tela incidant, cervo domestico collare, aut aliud quodlibet signum habente, ne venator erret in mittendo telo. Unde Extelarius dicitur, quod extra teli periculum habendus sit. Ita Wendelinus. In Gloss. Lat. Gr. Extelare, est ἐλευθερῶσαι. Lex Salica tit. 36. § 3. Edit. Heroldi :

Si quis cervum domesticum signum habentem furaverit qui ad venationem faciendam mansuetus factus est, et Telarium (l. Extelarium) potuerit adprobare, quod Extelarius fuisset, etc

. In aliis edit.

et testibus potuerit adprobare, quod eum in venatione habuisset

. De cervis domesticis agunt Justinianus de Rerum divisione, et Lex Longob. lib. 1. tit. 19. § 13. 14. Rothar. 320. 321. 322.