EXTRANEUM Facere, Idem quod Exitum facere, de quo supra, Devestire, possessione exuere. Tradit. Fuldens. lib. 3. trad. 243 :

Qui seipsum de subnotatis locis, si in eis aliquid proprietatis haberet, vel habere deberet, fecit Extraneum adversus me, quatenus ego legitimam in eis haberem potestatem in meam eleemosynam tradendi, etc.

Vita S. Sifredi Episcopi Carpentoracensis, apud Vincent. Baralem pag. 133 :

Actibus sæculi se Extraneum faciens, nunquam in foro, nunquam in vico, nisi animarum lucris videbatur.