FACILLARE. Vita S. Deicoli Abbatis Lutrensis n. 35 :

Cumque nefas tale cresceret, et nemo esset, qui Facillaret, quasi licenter miserum caput tanto utebatur incestu.

Ubi Bollandus, Facillare, est quasi fauces aperire, i. cum nemo esset, qui de his ne quidem hiscere auderet. A Facilla dictum puto Facillare, quod sit quasi Facilla secare, unde Facillare eo loci resecare facile interpretarer, i. cum nemo esset, qui exortum malum strenue compesceret. Alias

Facillare, est strangulare, sive fauces opprimere

, a fauce quasi Faucillare. Gloss. Lat. Græc. : Facillare, στραγγαλίσαι.